Babaturan saterusna

kahayangna mah jiga nu laina

neangan kanikmatan di dunya impian

sugan pareng aya manehna norojol datang mawa kopi

rokok bari sakalian pang nyibeungeutankeun, nyusutan godin nu nambleg

jeung pangnyusutkeun cileuh nu ngajedig naker dina hate...!!!!

duh jungjunan

anjeung anteng keneh jeung lilir anjeun

baturan kuring pangmeakeun roko nu geus tinggal kuntungna

panguyupkeun kopi nu geus dedekna

pangbanyurkeun tikoro kuring

nu garing lantaran nyeuseup sono ka anjeun

jungjunan

peuting teh asa beuki ngurangan

bulan geus di harudung sarung nundutan

geus kukulintingan neangan pasarean ka lebah kaler

bentang ge teuing kamarana

boa cape meureun marengan kuring sapeupeuting

ngan maturan kuring bari ngadongengkeun anjeun

jungjunan

ayeuna kuring sorangan

Adzan geus ngageroan

baturan kuring, Anjeun-Na tos ngantosan

cinta urang duaan...